Como sabedes estamos a traballar a arte desde todas as súas perspectivas. Coñecimos a pintura, o collage...e agora...imos facer arte cos elementos da natureza e a interacción do noso corpo con elas.
Son moitos os artistas que deixan os seus talleres para interactuar coa natureza. Un deles é Richard Long e fai esculturas con pedras sempre coa simboloxía do círculo.
Un día na aula...apareceron pedras, e aínda que de primeiras podería parecer perigoso, cada neno/a sabe en que momento as utilizamos e como. O primeiro que fixemos foi elexir a nosa, poñerlle o nome e describila: cor, forma, temperatura...
Xa levamos uns días introducíndoas nas rutinas da asamblea e así saber quen está no cole e quen quedou na casa. E cada día facemos unha "obra de arte" nova...
No hay comentarios:
Publicar un comentario