Nadal en Alemaña

Hoxe coñecimos unha tradición moi doce que levan a cabo en Alemaña os días antes da chegada do Nadal. A nai de Adela contounos que alí, como se fai de noite moi cedo, todas as tardes de Decembro cociñan galletas que logo regalan aos amigos e familiares. Gustounos moito este costume así que hoxe decidimos facer unha receita de galletas coa axuda de María. Tamén escoitamos algunha panxoliña en alemán.

Mentres coñecíamos os ingredientes, tiñamos que rodealos na nosa receita, para comprobar que non esquecimos ningún. Logo de facer as galletas debuxamos no recadro as formas das nosas galletas.

Primeiro: pesamos o azucre e a fariña e misturámolo:

 

Segundo: Botamos ovos, manteiga, azucre vainillado, limón e canela

 

Terceiro: facemos a masa....e a amasar (é importante enfariñar a mesa para que a masa non se pegue).

 


Cuarto: xa podemos facer as nosas galletas cos moldes que máis nos gusten.

 

Xa para rematar, preparamos unhas caixiñas para regalar.

MOITAS GRAZAS A MAMÁ DE ADELA POLA SÚA AXUDA, E Á MAMÁ DE MARTA POR TRAER UN BISCOITO PARA MERENDAR DESPOIS DUNHA MAÑÁ DE MOITO TRABALLO.